November 30, 2019
ሓምድ እድሪስ ዐዋቴ
3
ኬትባይ፡ ሀይሌስላሴ ወልዱ
መተርጅማይት፡ ዓሸ ዑስማን
ኤረትርየ ሓዳስ
ሚስተር ደውደው ለእግለ ትበገሰ ፈሽለት ምኑ፡ ምን ክሉ ለተአኬ ህዬ ስልሑ እንዴ ትሰለበ እብ እዴሁ ብራቀ ከም አቅበለ፡ እብ ሐሩቀት እግል ልንቃዕ ሐዘ። አስቦሕ ምድር ሓርቅ ዲብ እንቱ አስክ ብያኩንዲ አግወሐ። ዲበ ዐድ እንዴ መጽአ እግል እድሪስ ዐዋቴ ከም ረክበዩ፡ “ወልከ እተየ ሀለ!” ቤለ ከአትፈዐዘ እቱ። እድሪስ ህዬ እንዴ ኢፈርህ! ሐቴ ክም ኢደለ ትሰልበጠ እቱ። አነ መስኡል ምን የአነ። ወልዬ እንዴ አሰርከ ከም ነስአካሁ ሰምዐኮ። ምስልከ ዲብ እንቱ ህዬ አነ እግል እድለዩ ወእርአዩ ይእቀድር። ምን እዴከ ሐቆ ፈግረ ላኪን፡ ህቱቱ መስኡልየት ለረፍዕ። ለትሰረረተ እግል ትቃሸኒ ምን ኢትጀርብ ለሐይስ። እብ ሰበብከ ወልዬ ሐቆ ሞተ፡ እቢ ወፍቴ መስኡልየቱ ዲበ ረአስካተ! ቤለዩ ደውደው እግል እድሪስ የአዝመ ምኑ። ሓምድ ለረክበ መስለዩ ከባርንቶ እንዴ ጌሰ እቡ ሰጅነዩ። እንዴ አትላመ፡ ሽፍትነት ሓምድ ብዕዳም እግል ኢተአትናይት ፡ ምን ኣመረ ለእሎም ፈቴ ዓይለቱ ሐቆ ሰጀንነ እግሎም እንዴ ቤለ ሰልም እንዴ ቤለ፡ ዓይለት እብ ቅርዐ እብ ማለ ወንዋየ ምን ብያኪንዲ አስክ አንቶሬ አግዐዘየ። እግል እድሪስመ ምነ ሰልፍ ስጁን
