December 28, 2019
ሓምድ እድሪስ ዐዋቴ
8
ኬትባይ፡ ሀይሌስላሴ ወልዱ
መተርጅማይት፡ ዓሸ ዑስማን
ክመ መደት ለሀ ሽፍትነት እጅእርት ኢኮን። ለሽፍትነት ናይ ዐድ ወአፍራድ ሰበት ዐለት፡ ክሉ እሉ ኢተምተመት አለቡ። ዲብ ክፍለት አርብዓታት ቢንዓምር ወኩነመ ኖስኖሶም ሕድ ለሓርዶ ዐለው፡ ክል አምዕል ናረ ልግብኦ ወለዲብ ቶኮምብየ ለነብሮ ማርየ እተክምሰልሁ። ቅብላት ኩነመ፡ ምን መልሀዩ ልስአል አለቡ። ወድ አዳም ሕድ ዘምት ወሕድ ለአበዴ። እተ-ክምሰልሁመ ጀሀቼ ጀሀትከ ከም መጽአት፡ ዕጨት እት ቅርደ ትወድቅ ኢኮን፡ ሕርያን ብዕድ የዐለ፡ ሰላብ ሕያይ ዲብ ክሉ ተሓበረ፡ ክሉ ከም ሽቅሉ ወደዩ። ሰላብ ሕያይ አግደ ስቅራት ሸፈቲት ዐለት። ንዋይ እብ ሰብኡ ዲብ እንቱ ልትዘመት፡ ልባሱ ልትመልጠጥ፡ ኖሱመ ልትቀተል። አግደ አረይ ሰላብ ሕያይ ህዬ ምን ወአስክ ጋሽ ለለአትቃብሎ ተለች ዐለው። ህቶም ሰላም እንዴ ሐግለው ጀራይም ሐቆ በዝሐ እቶም መርባቶም ለለአቀስን ነፈር ለሐዙ። መልሀዮም ትዘመተ ለሰምዐው ሸፈቲት እንዴ ኢልውዕሎ ወኢልትመየው፡ ከም ምራዶም ቀትሎ፡ ዘምቶ፡ ሐቆ ሐዘው ለሐድጎ ወሐቆ ሐዘው ቀትሎ። ለአትዓሩ ወፈርዶ። አርድ ዲብ እዴ ሽፈቲት እንዴ ተርፈ ምን ሕኩመት ወለዐል ለትፈርሀው
