January 8, 2024
ለናይ ሰልፍ መዓርክ 60ታት
12ይ ክፋል
መሐመድ እድሪስ
መዐረከት በላግንደ 4 ኣፕሪል 1962 ለበዝሐ ሄራሮም እት ወክድ ላሊ ቱ ለዐለ። ዶል ምግዓዝ፡ ስካብ ለካልኣይ ዐዶ ቱ። ኩሎም እብ ህርጋቴ ሁዱላም ዐለው። አባይ እንዴ ዐረ እቦም እብ ዎር-ዎሮት እግል ኢለሃክሎም ላኪን፡ አስክለ ተሐጥጦም አካን እግል ልብጽሖ ክል ምኖም እግለ መልሀዩ ዲብ ደግሽ ልሄሮ ትመየው። እተ ለሐዝወ ለዐለው አካነት እንዴ ኢበጽሖ፡ ምድር ዕውድዋድ አስቡሕ ዶል ኣሸረ፡ ሓምድ “አዜ እንዴ ትገሴኩም፡ አስክ ሻሂ ፈሌሕ ለህርጋቴ እግል ቲጊስ ምንኩም ስከቦ” ቤለዮም። ምናተ፡ መደቲት ክም አሾለገው እንዴ ኢለዓርፎ፡ ለናይ አከድን መንበረት ለላምዳም ወዕጹማም እብ ሸፋግ ለሻሂ ሰበት አፍለሐዉ እተ ዶሎም ሀረሰዎም። እበ ቅሳኖም እብ ሸፋግ-ሸፋግ ህዬ እብለ ክባየቲት ለንኢሽ ደርብ-ሕድ ገሌሆም ሰረ ወገሌሆም ኩለ እንዴ ሰተ ሰኒ እንዴ
