February 12, 2024
ለናይ ሰልፍ መዓርክ 60ታት
17-ይ ክፈል
መሐመድ እድሪስ
ሰውረት ኤረትርየ እትለ ናይ ሰልፍ መትኣምባት ግድለ ስለሕ ዲብ 60ታት ፍንጌ ምናድሊን ሰውረት ወጄሽ አባይ ገብእ ለዐለ መዓርክ ምነ ምናድል ሀይሌስላሴ ወልዱ ለከትበዩ ክታብ ዐዋቴ ለትነሰኣቱ። ከእግል ዮምፊራሮ ዐስከር እንግሊዝ ድድ ሓምድ ክምለ ትበሀለት ከረ ሓምድ እግል ክልኦት ለጅነ ምን ሕሌጊንቱ ወምን ኢቲንያይ ክም ነስአዎም ለውዲት እግል እዳረት እንግሊዝ ነከደተ። ስልሖም ትሳለበ፡ እት እዳረቶም ተሐለፈው፡ ሓምድ ምን ንዋይ እንዴ ሐልፈ አጀኒት ምን ዐዝገ ነፍሶም ክም የሀሌት ዐለበወ። እብለ ሀዬ ድድ ሓምድ ሐምለት ዐባይ እንዴ አትፈረረው እግል ለአርክዕዉ ስታት አፍገረው። እት 1948 እንግሊዚ ቃይድ ፖሊስ ኮሎኔል ክራክነል (ሰብ ጋሽ በርከ ከራኪን ልቡሉ) 50-60 ለገብኡ ፊልድ ፎርስ እንዴ አትበገሰ፡ እግል ሓምድ ዲብ ቀበት ዎሮ ወሬሕ እግል ልቅቶሉ አው ልጽቦጡ አዘዘ። እግለ ፊራሮ ለመርሐ፡ ዲብ አቅርደት ለዐለ መሐመድ ዐሊ
