December 14, 2019
ሓምድ እድሪስ ዐዋቴ
5
ኬትባይ፡ ሀይሌስላሴ ወልዱ
መተርጅማይት፡ ዓሸ ዑስማን
ኤረትርየ ሓዳስ
ሓምድ ምን እዴ ደው-ደው ዲብ ለሀርብ ለዐርዩ አለቡ። ሰለስ ወሬሕ ክም ጅጊራይ በይኑ አንጎገ። ተኽላምበ ልትዐዴ ለአቀብል። ዶል ሰፍሬ መልቀም ከደን በሌዕ። መረ ሐቆ ሰፍረ ህዬ ዲብ አካን ፍላን ህሌኮ ነብረ ለአኮ እቼ ልብል። ስጅን ዋልዴኑ ሕስሩ ኢወደ። እብ ረሐመት እግል ልብረክ ኢሐዘ። አክል-አክል እብ ስቱር ዐድ ዲብ ለአቴ ወአዳም እት ልልእክ እግል መልህያሙ ወስናቱ “ክብ በሎ ንሸፍት ሐውኩም ሐቴ እንዴ ኢወዱ ትጻበጠው፡ ስልሖም ደውደው ነስአዩ። አንስ ወአጀኒት እግል ልስጀን እንበተ፡ ምን እሊ ለአኬ ሚ እግል ልምጽአነ ትታከው ህሌክም? መናዱቅነ እብ ቀስብ እግል ንብለሱ ብነ! እት ልብል እግል ለአትገራግሮም ጀርብ ዐለ። ዑስማን ሎንጊ ዐስከሪ ለዐለ እናስ ትሩድ ቱ። ሓምድ ምስሉ እግል ልሸፍት ክም ትሰአለዩ፡ “አነ ዲብ ሐዘን ህሌኮ አዜ ይእሰምዐከ!” ቤለ ከአበ እግሉ። አማኑቱ፡ ዋልዳይቱ ማይተት ዐለት። ምናተ እግል ልሸፍት ሰበት ኢሐዘ ምስምሰ ዲብ እንተ አምጽአየ ዲኢኮን፡ ሐዘኑ እንዴ ሓለፈ እብ ሽቅሉ ብዕድ ብያኩንዲ ዲበ ማጽእ ዐለ። ላመ ብዕዳም እብ ደውደው ለትሰጀነው አቃርብነ
