December 20, 2019
ሓምድ እድሪስ ዐዋቴ
6
ኬትባይ፡ ሀይሌስላሴ ወልዱ
መተርጅማይት፡ ዓሸ ዑስማን
ኤረትርየ ሓዳስ
እሎም ክልኦት ሰብ ቀጥፈት፡ ሳልሳዮም መሐመድ ሓምድ፡ ብዝሓም ለተልዎም እንዴ ረክበው ስሞም ዲብ ተዐቤ ጌሰት ወምን አክሎም እትቡላም ዐለው። ደገጊት ጋሽ-በርከ ክየድ ወደዉ። ምስል ዲብ እንቶም፡ መርባት አቅሰነው፡ ሀጅመው፡ ተሀጀመው፡ ዘምተው። ምናተ ለክልኦት ጠባይዖም በንበን ሰበት ዐለ፡ ምስንዮቶም የአተላሌት። እብ ሰበብ ዲብ ሕድ ለኢበይእ ጠባይዖም ኢትፋሀመው። ዐሊ ሙንጣዝ እምበል እግል ናዩ ወእሉ ለተሌ መሳልሕ ብዕድ ከስሱ የዐለ። ምናተ ሓምድ ዶል-ዶል እብ መርባቱ ክሉ ሕድ ለአገንሑ ዲኢኮን ክምሰልሁ ኢኮን። እግል ሐቴ ጀሀት ለልትጻገግመ የዐለ። ምን ለትፈናተ ቀባይል በሀለት ምን ናረ፡ ቢንዓምር፡ ማርየ፡ ኩናመ፡ ውላድ ኣውለት ወሐባብ ወብዕድ ለትጀምዐው ሸፈቲት እንዴ ከምከመ መሬሕ ዐለ።” አምዕል ሐቴ ዐሊ ጀማዐቱ እንዴ ሀረሰ እበየ ክም ጌሰ ደልዩ እንዴ አለቡ፡ ምን ከረ ሓምድ በኑ ትፈንተ። ሓምድ ሌጣቱ ለትሸከከዩ። ሀደምደሚ ዲበ እለ ፈቴ ወለት ጋይስ ገብእ ቤለ ከእግል ለዐርዩ ለታርፋም ዐለው መርሐ ከትበገሰ።
