December 22, 2019
ሓምድ እድሪስ ዐዋቴ
7
ኬትባይ፡ ሀይሌስላሴ ወልዱ
መተርጅማይት፡ ዓሸ ዑስማን
ዐሊሙንጣዝ ወመሐመድ ሓምድ እብ ዐፎ ከም አተው፡ ዐሊ ናይ ጥልያን ቤት ወፈረስ ትሀየበ። መሐመድ ህዬ ሙመስል (ምስሌኔ) እንዴ ትሸየመ እብ ሰላም እግል ልንበሮ አንበተው። እንግሊዝ በዲር ሜርሐት ሸፈቲት እብ መጃመለት ሀደፎም ቀየረው፡ ድዱ እግል ኢልቅነጾ ፋርህ ገብእ ዐለ፡ ውሕደቶም ትአትሐዝየ የዐለ። ሰብ ቀጥፈትመ ዲበ ኢተዐወተው ዲኢኮን፡ ሓምድ ምን መትስኣሎም ኢትገሰ። እብ ፍንቲት እግል ዐሊሙንጣዝ ወመሐመድ ሓምድ ቅብላት እንግሊዝ ንትጋደል፡ እንግሊዝ ምን ዐድነ እግል ትፍገር በ። ዲብ ልብል ልትሰአሎም ዐለ። ምናተ ክልኢቶም ኢትከበተው። እሊመ ኦሮት ምነ ሓምድ ዐዋቴ ወዐሊ ሙንጣዝ ለፈናተ ንቃጥ እግል ልግባእ ክም ቀድር ኣድም መሐመድ ሓምድ (ግንድፍል ) ወጠንየት ሓምድ እበ ከስስ ዲበ ወደየ መቃበለት ሻርሑ ሀለ።
እንግሊዝ ሱዳን ወኤረትርየ ጻብጠት ዲበ ዐለት እቱ ወክድ፡ ሕኩመት ሸፈቲት እብ ዐፎ እግል ለኣቱ ዕልንት ዐለት። ዐሊ ሙንጣዝ ወመሐመድ
