December 17, 2021
መቃበለት ወዚረት ዐድል ፎዝያ ሃሽም
መተርጅማይ፡ ሙሰ መንደር
ኤረትርየ ሓዳስ
ውዛረት ዐድል “ቃኑን ወብነእ ወጠን” ሐንቴለ ትብል ስቅራት፡ ምን ዮም 6 -11 ዲሰምበር ለአተላሌ ሲምፖዝዩም ትወዴ ህሌት። ከእለ ሳምን ቃኑን እበ ለከስስ፡ ወዚረት ዐድል አሰይደ ፎዝያ ሃሽም ለሀበቱ ተውዴሕ አወላይ ክፋሉ እግል ንቀድም እግልኩም ከወዚረት ፎዝየ ተውዴሕ ዲብ ተሀይብ ክእነ ትብል፦
በሊስ “እሰልፍ እብለ መናሰበት እለ፡ እተ ለከስሱ ወበዐል ምልክየቱ ላቱ መጅተማዕ ሐብሬ እግል ነሀብ ወነአትሐላልፍ እብ ውዛረት እዕላም ለተሀየቤነ በክት ሐምድ። እለ ሳምን ቃኑን እለ እብ ጅንሰ ሐዳስተ። ጽበጠ ህዬ፡ ክእሉል ናይለ እት ለትፈናተ አውቃት ገብእ ለጸንሐ ጅህድ ፍገሪት ቱ። ቀደም እለ ለገብአ በሐስ፡ አከቦት ረአይ ወተጅርበት መጅተማዕነ ዲብ ቃኑን እት ሕሳብ ለተአቴ፡ ወእግለ ለረከብናሀ ፍገሪት ለትከስስ ሐብሬ እተ ሸዐብ እግል ነሓልፍ፡ መጅተማዕ ለአሳሱ ተርቲብ እዳረት ቃኑን እበ ለቡ ዐገል እንገይስ ጸንሐነ። ሰበት እሊ፡ እትለ ሳምን እለ ጻብታሙ ለህሌነ በርናምጅ፡ ምን ሸዐብነ ረአይ እግል ንርከብ እንዴ እምቤቱ። አስክ እለ እንገይስ እቡ ለጸነሕነ፡ እብ መሻረከት ናይ ሸዐብ፡ ልትሸቄ ለጸንሐ ቀዋኒን ዐድል፡ ዕላመት ናይ ነባሪነ፡ ታሪክነ፡ ወወጠንየትነ ሰበት ገብአ፡ ናይ እሊ ኩሉ ወራታት ረአይ ምን መጅተማዕነ እግል ንርከብ እንዴ እምቤ ለአትበገስናሁ፡ ወምን እለ ወሐር እምበል አትካራም እግል ለአተላሌ ለአመመ ሲምፖዝዩም ቱ። እሊ ህዬ ክም መበገስ እት ኩሉ መጅተማዕነ ክም በጼሕ፡ ናይ ሰልፍ ወዕላቱ እግል ኒበል እንቀድር”።
