July 27, 2024
መጅልስ አምን ወለዛልም ቀራራቱ ድድ ኤረትርየ
(13ይ ክፈል)
እብ ዶ/ር አሕመድ ሐሰን ድሕሊ
ተርጀመት፡ መሐመድ እድሪስ መሐመድ
እሊ ወኪል ብሪጣንየ ለቀደመዩ መስመስ ዲብ ቀደም አማን ለበጥር ይዐለ። እግል መሰል፦
ቀዳማይ፦ ወኪል ብሪጣንየ እብ ሰበትለ “ኤረትርየ እግል ሶማል ወጅቡቲ ለከስስ ቀራር ምጅልስ አምን ኬደት” ለቤለዩ፡ ለለአይድ ለገብአ ልግበእ ሳብት ደሊል አው ሐብሬ እግል ለአቅርብ ኢቀድረ። ዲብለ ብሪጣንየ እብ ፍዕል ወደሚር ለተአይዱ መባጥር አሜሪከ ለኢልትፈንቴ ረአይቱ ህዬ ለእሉ አቅረበ። እዳረት አሜሪከ እግል ምጅልስ አምን እንዴ ኬደት፡ “ ናይ ደማር ስለሕ በ” እንዴ ቤለት እግል ዒራቅ ትወርር እት ህሌትመ ብሪጣንየ አየደተ።
