November 30, 2024
መጅልስ አምን ወለዛልም ቀራራቱ ድድ ኤረትርየ
(32ይ ክፈል)
እብ ዶ/ር አሕመድ ሐሰን ድሕሊ
ተርጀመት፡ መሐመድ እድሪስ መሐመድ
ሳልሳይ ምዕራፍ
መሳሌሕ አሜሪከ ዲብ ሶማል ሚ ቱ? ጂኦ እስትራተጅያይ ወእቅተሳድያይ መሳልሕ ሕኩመት አሜሪከ እብ ክእነ ለተሌ እግል ልሸረሕ ቀድር።
1. ሶማል እበ ህለ እግለ ሐድ 3000 ኪሎሜተር ሰዋሕል በሐር፡ ዲብ ምሒጥ ህንድ፡ ፍንጌ ሸለግ ባብ አልመንደብ ወኸሊጅ ዐረብ ክምሰልሁመ ዲብ ኽሊጅ ሀርሞዝ ምህም እስተረትጅያይት አካን ትመልክ። ሰበት እሊቱ ህዬ ዋሽንግቶን ዲብ ሶማል መእተይ አካን እግል ትርከብ ሌጠ እንዴ ኢገብእ ለተሐስብ፡ ምናተ እግል ክሉ ሚናት ሶማል ኪስማዮ፡ ሜርከ፡ መቃዲሾ፡ ቦሳሶ፡ በርበረ ወዘይልዕ እብ ከማሉ እግል ትጽበጥ ዐሸም ዛይድ በ። አሀምየት ዋሽንግቶን ወዐሸመ ዮም
