January 26, 2025
መጅልስ አምን ወለዛልም ቀራራቱ ድድ ኤረትርየ
(38ይ ክፈል)
እብ ዶ/ር አሕመድ ሐሰን ድሕሊ
ተርጀመት፡ መሐመድ እድሪስ መሐመድ
ሓምሳይ ምዕራፍ
ተሕሊላይ ቅራአት እግል መሓደረት ነፈር ድወል ምጅልስ አምን መኔዕ ምን ኤረትርየ ክምሰል ትፈረዐ
5-ሩስየ፦
ሰፊር ፋሲል ኣልኮሲኪቪትሽ ኒቢንዝየ እብ ጀሀቱ፡ “አሰልፍ እግል ሸዐብ ወቅያደት ኤረትርየ እብ ምጅልስ አምን ዲብ ረአሶም ቅሩር ለዐለ መኔዕ ሰበት ትረፈዐ አሰናይ ቤለው። ምን ወቅት ረዪም እንዴ አስተብዴነ፡ እሊ ዲብ ኤረትርየ ለገብአ እድንያይ መኔዕ ምስለ ትበሀለ ጋር መትጻባጥ ክምሰል አለቡ ሻርሓም ዐልነ። ዲብ እሊ ክሉ ለሐልፈ ስኒን ህዬ አስመረ እግል ናይ ደማር ቅዋት ክምሰል ትሰዴ ለለአተግኔዕ እስባት እግል ልምጸእ ኢቀድረ። ዲብ መንጠቀት ቀር አፍሪቀ ተቅዪር ክምሰል መጽአ ህዬ፡ እግል አከይመቅርሕ ኤረትርየ ወጅቡቲ እግል “ሰላም ለለአፈርህቱ” ብሂልነ ወቅት ለሐልፈዩ ጋር ቱ።
