February 15, 2025
መጅልስ አምን ወለዛልም ቀራራቱ
ድድ ኤረትርየ
42ይ ወናይ ደንጎበ ክፈል
እብ ዶ/ር አሕመድ ሐሰን ድሕሊ
ተርጀመት፡ መሐመድ እድሪስ መሐመድ
መ ከ ለ ሲ
ምጅልስ አምን ዲብ ዮም 23 ዲሰምበር 2009 ድድ ኤረትርየ ለሓለፈዩ ቀራር መኔዕ ዕልብ 1907፡ እብ አሳስ ምዕራፍ ሰቦዕ ሚሳቅ መነዘመት ምጅልስ ቅራን፡ ለትፈናተ ዛልም መኔዕ ለሸምል እትገብእ፡ ዲብለ “መራቅባይ ሐሽም ሶማል ወኤረትርየ” ለሓለፈዩ ተቅሪር ለተአሰሳ ቱ። ምናተ ለመራቅባይ ሐሽም፡ ምነ እስባት ለይዐለት እሉ ተቅሪሩ አንሰሐበ። ሰበት እሊቱ ህዬ ለቀራር እብ ክሉ ቃኑናይ ወስያስያይ ወእክላቅያይ መቀየሲታት ፋሽል ቱ። ውላያት ሙተሕደት አሜሪከ፡ ዲብ ረአስ አንፋር ምጅልስ አምን ስያስያይ ወዲብሎማስያይ ጨቅጥ ምን ኢትወዴ ዐለት ህዬ፡ ዲብ ሰነት ሐዳስ እብ ሸፋግ ቅሩር ይዐለ። ላኪን “እሊ ቀራር እሊ እግልሚ ወእግልሚቱ ህዬ ወራር አቶብየ ዲብ ረአስ ሶማል ልግበእ
