July 2, 2024
መጅልስ አምን ወለዛልም ቀራራቱ ድድ ኤረትርየ
(9ይ ክፈል)
እብ ዶ/ር አሕመድ ሐሰን ድሕሊ
1- ዎሮ ምነ ለለትዐጅብ፡ ምጅልስ አምን እግል ኤረትርየ ክምሰል ነፈር መነዘመት ምጅልስ ቅራን እግል ገሌ ማዳት መነዘመት ምጅልስ ቅራን እግል ተሐሽም መትሰኣሉ ቱ። ምናተ ኤረትርየ ክምሰል ደውለት ምን 1991 እንዴ አስተብዴት ክምሰል ሰውረት ህዬ ምን ሰነት 1961 አስክ 1991 ሚሳቅ መነዘመት ምጅልስ ቅራን ክምሰል ኢኬደት እት ተሐሽሙ ክምሰል ጸንሐት ሰኒ ወአማን ተአምር። ለዝያደት ለለአትፈክር ህዬ ምጅልስ አምን እብ ሰበትለ ዲብ ኤረትርየ ለወጀሀየ ሸክወት ወለ ሐቴ እስባት እግል ለአቅርብ ምን ኢቀድራ ቱ። ምናተ፡ እብ ቃብል እሊ ምጅልስ አምን እብ አሳስ ክቱብ “ሀ” ማደት 14 ናይለ ዲብ ዮም 18 ጁን 2000 ዲብ አልጀዛእር፡ ለትፈረመት “እትፋቅየት አትካራም ዐዳዋት” እግል ሕኩመት አቶብየ ቀራር መፈወድየት አሸሮት ሕዱድ
