May 15, 2020
ኤርትራ ሕምብርቲ ፍልሰትን ስልጣነታት
ደራሲን ተጋዳላይን ስዉእ መሓመድ ስዒድ ናውድ ቅድሚ ኣስታት ክልተ ዕቑዳት “ኤርትራ ንዘመናት ሕምብርቲ ናይቶም ካብ ምብራቕን ሰሜንን ዝመጹ ፍልሰት፡ ስልጣነታት፡ ባህሊታትን ሃይማኖታትን ነይራ፡” ዝብል መጽሓፍ ኣሕቲሙ ነይሩ። ነዚ ረቛሒታት’ዚ ጥጡሕ ባይታ ዝፈጠረ ከኣ እዚ ኣብ ቀይሕ ባሕሪ ዝርከብ ነዊሕ ገምገም ባሕራ’ዩ። ኣብ ባሕሪ ምውሳእን መራኽብ ጌርካ ናይ ባሕሪ ጉዑዞ ምክያድን ድማ፡ ኣፍ ደገ ባሕሪ ዘይብለን ሃገራት ዘይረኸብኦ ምዕቡል መድረኽ እዩ። እዚ ግን ኤርትራ ካብ ነዊሕ ዘመናት ክትጥቀመሉ ዝጸንሐትን ኣብዚ ግዜ’ዚ እውን እትግልገለሉ ዘላን ዓቢ ጸጋ እዩ። ምኽንያቱ ኤርትራ ኣብ ምዕራባዊ ሸነኽ ቀይሕ ባሕሪ ልዕሊ ሓደ ሽሕ ኪሎ ሜተር ዝንውሓቱ ገምገም ባሕሪ ስለዘለዋ። ሓደ ካብ’ቲ ቀንዲ ኤርትራ ዝሓለፈቶ ታሪኻዊ ፍጻሜታት ኸኣ ጥንታዊ ዓረባዊ ፍልሰት፡ ሃይማኖት ክርስትና ኣብ ዝኾነት ሃገር ኣፍሪቃ
