January 23, 2025
ፕረዚደንት ጂሚ ካርተርን ተግባራቱን
(1924 – 2024)
ብዶ/ር ኣሕመድ ሓሰን ድሕሊ
ዓመተ 2024 ቅድሚ ምፍናዋን ዓመተ 2025 ቅድሚ ምእታዋን ብክልተ መዓልቲ ፕረዚደንት ኣሜሪካ ነበር ጂሚ ካርተር ኣብ መበል 100 ዓመት ዕድሚኡ ካብዛ ዓለም ብሞት ተፈልዩ። ጂሚ ካርተር ኣብ ብላበንዝ – ጆርጅያ ብ1 ጥቅምቲ 1924 ክውለድ ከሎ፡ ብ29 ታሕሳስ 2024 ከኣ ኣብኣ ሞይቱ። ብ20 ጥሪ 1977 ንሕጹይ ጀራልድ ፎርድ ስዒሩ ከኣ መበል 39 ፕረዚደንት ኣሜሪካ ኮይኑ። እንተኾነ ግን ኣብ 1980 ንካልኣይ እብረ ፕረዚደንት ኣሜሪካ ንምዃን ኣብ ዝገበሮ ውድድር ብሕጹይ ተወዳዳሪኡ ሮናልድ ረጋን ተሳዒሩ። ኣብዚ ናይ ሓደ ክፍለ ዘመን ፍሉይን ሓፈሻውን ዕምሩ ከኣ ንመልክዕ ዓለምና ብራዲካላዊ ኣገባብ ዝለወጠ ዓበይቲ ኣህጉራዊ ፍጻመታት ኣሕሊፉ እዩ።
