ሻብዓይ መጽሓፍ ምትሓዝ ንብረትን
ምፍጻም ፍርድን
ቀዳማይ ኣርእስቲ ኣብ ኤርትራ
ዝተዋህበ ፍርዲ ምፍጻም
ምዕራፍ 1. – ፍርዲ ዘፈጽሙ ኣብያተ ፍርዲ

Part X

ዓንቀጽ 406. – መትከል

ሓደ ፍርዲ፣ ብመሰረት ድንጋገታት ናይዚ ኣርእስቲ፣ በቲ ነቲ ፍርዲ ዝሃበ ቤት ፍርዲ ወይ ድማ በቲ ንኸፈጽሞ ዝተሰጋገረሉ ቤት ፍርዲ ኪፍጸም ይከኣል። መራኽብ ናብ ሕጊ ንምቕራብ፣ ንምቕያድን ንምሻጥን ዝምልከት ድንጋገታት ሕጊ ባሕሪ ብዝዀነ ድንጋገ ናይዚ ኣርእስቲ ኣይትንከፍን።

ዓንቀጽ 407. – ምስግጋር ፍርዲ

(1) ፍርዲ ዝሃበ ቤት ፍርዲ፣ ናይ ምፍጻም ፍርዲ ምልክታ ምስ ቀረበሉ፣ ብተበግሶኡ ወይ ብኣመልካትነት ብፍርዲ ብዓል መሰል፣ ኣብዞም ዚስዕቡ ዅነታት፣ እቲ ፍርዲ ንኺፍጸም ብቐጥታ ናብ ካልእ ቤት ፍርዲ ኪልእኮ ይኽእል፥
(ሀ) ብፍርዲ ብዓል ዕዳ ኣብ ውሽጢ ከባብያዊ ኽለ-ስልጣን ናይቲ ኻልእ ቤት ፍርዲ ዚነብር፣ ንግድ ዘካይድ ወይ ብውልቁ ንረብሓ ዝሰርሕ ምስ ዚኸውን፣
(ለ) ብፍርዲ ብዓል ዕዳ ኣብ ውሽጢ ከባብያዊ ኽለ-ስልጣን ናይቲ ኻልእ ቤት ፍርዲ ነቲ ፍርዲ ኪሽፍን ዝኽእል እኹል ንብረት ምስ ዚህልዎ፣ ኣብ ክለ-ስልጣን ናይቲ ፍርዲ ዝሃበ ቤት ፍርዲ ግን ንብረት ምስ ዘይህልዎ፣

download

መጅልስ አምን ወለዛልም ቀራራቱ ድድ ኤረትርየ 31ይ ክፈል...