September 6, 2019
አልአሚ ን፡ ሰር-ዘመ ን እት ፈን
3ይ ክፈል
ኬትባይ፡ መሕሙድ ዐብደለ (አቡ-ኩፈሕ)
መተርጅማይ፡ ዐብደለ መ/ዐሊ (መዐልም)
ኤረትርየ ሓዳስ
አልአሚን እት አያም ሸበቱ ለብሰቱ እት ለአትጋርም ወመሹጡ እብ ሞዴላት እት ቃይር ወአርወሐቱ ረፍዕ ወለዐፌ ለዐለ ፈዳዲ ዐለ። ህቱመ ምስለ ክሉ ለአምረ ግርም ወታክየት ብጥረቱ ወለ ክልዶል ለብሰ ለዐለ ለብሰት አፍረንጅየት ወለ እት ክልዶል ለልትአየስ እበ ለብሰት ሰማዲት ሰኒ እንዴ ትሰራወነ አምዕል ጅምዐት ወሰምበት ንኢሽ እት ሻሬዕ ኮምብሽታቶ ምስል ስናቱ ወመልሂቱ ልጀወል ዐለ። እት ሻሬዕ ኮምብሽታቶ ናይ ዮም ሻሬዕ ተሕሪር ልትመሸው ለዐለው ህዬ ውላድ ጥልያን ወመዋሊድ ጥልያን ለቦም ሰበት ዐለው፡ መብዘሖም ጽጉባም ወተጀርቶም። ክምሰል ከረ አልአሚን ለመስሎ እት ሐይ አበሻውል ለሳክናም ላኪን ምስሎም እግል ልትመጣወሮ ለልትቀደር ጋር ይዐለ። ላኪን ከረ አልአሚን ለብሰቶም እንዴ አጽዐደው ወተስሪሐት ጭገሮም ሞዴላት እንዴ ትሰረሐው ህቶምመ፡ “ምን ምን ነሐምቅ?” እንዴ ቤለው ምስሎም ሸነዕ እት ልብሎ ልትመሸው እቱ
