November 1, 2023
ለናይ ሰልፍ መዓርክ 60ታት
5ይ ክፈል
መሐመድ እድሪስ
ኤርትራ ሓዳስ
መዐረከት አብናዬት 3 ዲሰምበር 1961 ናይብ ትሌንቴ አበቤ እድሪስ ለመርሖም ዐሳክር ክምሰለ ናይ ሀውኬ በገሶም፡ እተ ጃርዲን ክም በጽሐው እግለ ሸቃላለ ጃርዲን እንዴ ጀምዐዎም ሀደደዎም። “እግል ሚ ኢሰኬኩም፧ እግል ሚ ሰኒ እንዴ ትበው እግለ በናነ ትባትኮ፧ ምስሎም ጉሙያም ምንዲ ኢትዐሉ ወእዴ ምን አለብኩም፡ ክእነ ደማር ወየአጅሬኩም” እንዴ ቤለዎም አፋዘዘው ዲቦም። “ከሕነ እግል ሰብ ስለሕ እብ ከአፎ እግል ንጋብሆም፡ ሓምድ ዐዋቴ ባቱኩ ክም ቤሌነ ነፍስነ እግል ነአንግፍ፡ አይወ ባተክናሁ” ቤለው። እሊ ቅብብ እንዴ ገብአ ለትሰመዐዮም ዐሳክር ነወው፡ እግለ መሳልሚን ሸቃለ እኪት ረሖም እግል ለአርእዎም ተሐት ወለዐል ቤለው። ምናተ ምድር እንዴ ኢመሴ እብ ሓምድ ጀላብ እግል ለዐሩ፡ እት ለሐራጾ፡ እግል ወልዳይ ወክልኦት ብዕዳም እንዴ ሰጀለው ምኖም፡ አስክ ለአቀብሎ ህዬ፡ ኩሉም ለሸቃለ ምነ ባካት ተወዝ ክም ኢወዱ አማውር እንዴ ሀበዎም
