January 20, 2024
ለናይ ሰልፍ መዓርክ 60ታት
14ይ ክፈ
መሐመድ እድሪስ
መዐረከት አሜሊ – 20 ማዮ 1962 እት ዮም 20 ማዮ 1962 አደሐ-ጸዕደ ባካት ሳዐት ሐቴ አድህር ቱ ለዐለ። አባይ ምን ገሉጅ እንዴ ትበገሰ አሜሊ አተ። አሜሊ እት ባካት ደብር ቡቢ ለህሌት አካን ተ። ክቡብ ክምሰለ ሸርሐዩ፡ ሓምድ ሰክብ ዐለ። ዋርድየት ፋግር ለዐለ ጋድፍ’መ ድዋራቱ ለአትቃምት ይዐለ። መሐሙልየቱ እንዴ ትረሰዐ ስካብ እቡ ከነው ለአብል፡ እብ ሰፍረ ወተዐብ እንዴ ተከለ እት ስካብ ድቁብ ሰበት ትሸመመ ሓለት ርሑመ ደሌ ይዐለ። ክቡብ ኖሱ በዐል-ተረት ነብረ (እስብዕየት) ሰበት ዐለ፡ ለእሉ አዳለ እሎም እንዴ ሀያየበዮም እግል ለአጽብሮም ወሐር አጊድ እግል ለዓርፍ እንዴ ቤለ ኬን ወእንሰር ልትሻወር ዐለ። ህቱ ንዕኖ ብልዖ እት ልብል ወገሌሆም ጽነሕ ምኒነ ሽወየ ነዓርፍ እት ልቡሉ፡ ዐሳክር አባይ ልሽኡጎም ዐለው። ለዶል እብ በክት ኣድም
